Acts 15

O Vakum Apuh No A Napan To Öt Manih Jerusalëm

1A ma pah teß to taneß maß muhin Jiutiaß, ko nö manuh Antiök, pare taneo pa vavaasis a ma teß varih to vaman voh ee pe Ieesuß pan, “Eöm to hikta onöt nem a ö ne Sosoenën se kon hah a neöm, pa ö söm hikta vatet a taateß va pa pe a ö kokoaan vamanih pa ö no o Vavaasis pe Mosës to soe va non.” 2Ivëh, ke Pöl pen e Banabas heve ov ee pee, pare vasosoëri me raoe, suk a tah pamëh. Ivëh, ke Pöl pen e Banabas koman ee pa ö nee se nö me a ma meh teß va po vaman va Antiök manuh Jerusalëm pa ep a ma aposol, me a nap susunön va po rotuß, kee vasoe suk a taateß va pa pe a ö kokoaan. 3A napan va po vaman to vanö raoe, kee koe topnin a muhin Fonisiaß, me Samëriaß. Ee to hutët nö ke ra napan va po vaman a ö no teß varih to hikta teß ne pan ee ro Jiuß to vaman ne Ieesuß ko panih a ma taateß hat pee, ko heß rea manuh pe Sosoenën. A tah vëh to heß vaeö rakah en pee. 4Ee to vos manuh Jerusalëm, ka nap susunön va po rotuß, me o aposol, me o teß va po vaman to vaeö rakah ee. E Pöl pen e Banabas to soe ke raoe a ma tah ne Sosoenën to nok koe po kikis peß manih pa koreere pon.

5Ivëhkëk, a ma pah teß va po vaman to teß hop ne po kum po Parësiß to sun ko soe pan, “O teß va po vaman to hikta teß ne pan ee ro Jiuß, ee se këk peepe a ma ö kokoaan pee, pare pah vatet poß o Vavaasis pe Mosës.”

6Ivëh, ko aposol me a nap susunön va po rotuß to vatönun ee pa vahutët suk a soe pamëh. 7Ee to vahutët varë rakah ee ke Pitaß sun, pareß soe pan, “Kën kea peöß, eöm to nat voh em pe Sosoenën to vateß voh a neöß topnin neöm pa vatvus a Soe Vih manih po teß to hikta teß ne pan ee ro Jiuß, kee pënton pare vaman. 8E Sosoenën to nat e non po kokoman po teß kurus, ivëh, keß vataare en pea pa ö neß to eöß o teß to hikta teß ne pan ee ro Jiuß po poen neß to vanö maß a Tuvuh Vasioß peß, manih pee vamanih pa ö neß to nok vavoh ka ra. 9Eß to hikta nok vakëkëh voh a ra me ee. Keß to ihan anoe a ma hat pee, suk ee to vaman ne. 10Suk ataeah poß, köm punöß nem e Sosoenën pa ö nöm to vahoß nem a punis va pa taateß va pa pe a ö kokoaan manih pa ma teß to vaman voh ee. Moaan voh a kën sipuura me ea to hikta onöt no a teß a punis vëh. 11Ahik, ea to vaman varuß no, ko ururuan pe Ieesuß e Sunön ivëh, to kon hah a ra. Keße me, ne Sosoenën to kon hah raoe po ururuan pe Ieesuß.”

12A napan varih to vakum ne to pënton a ma tah ne Pöl pen Banabas to soe tavus a ma tah vatoksean, me a ma vëknöm ne Sosoenën to nok koe manih pee pon, po teß varih to hikta teß ne pan ee ro Jiuß. 13Ee to vahik vaato ee pon ke Jëmis soe pan, “Kën kea, pënton a neoß öm. 14E Saëmon Pitaß to soe vamaaka ka ra a ö ne Sosoenën to kon hah o teß varih to hikta teß ne pan ee ro Jiuß, kee tavus ee a ma teß koman pe Sosoenën. 15Ivëh, ka soe pe Saëmon Pitaß to teß vatoe me e non pa soe voh po teß vanënën soe, pa ö nee to kiun vavoh po Puk Vapenpen pan,

16“Sunön to soe pan,

‘Amot eöß se hah maß,
paröß vateß hah a matop pe Devit vëh to tapeat voh en.
A tah pamëh to hat voh,
amot nöß se hah maß, paröß eok hah a matop pe Devit,
ko vateß hah a matop pamëh.
17Ivëh, ko Jiuß nee to këh voh to hikta vaman ne,
se vaiu ee peöß e Sunön pee,
pare tavus ee a ma napan koman peöß.
Ko teß varih to hikta teß ne pan ee ro Jiuß to vaman,
ko vatet a neoß,
eöß se pokaß raoe a ma koaß peöß.’
18A soe pamëh ne Sunön to soe,
suk eß to nat momoaan voh e non pa tah neß se nok.” ^a
19E Jëmis to soe pet pan, “Eß vaßih o kokoman peöß. Ea se nat no vëhvaß o teß varih to hikta teß ne pan ee ro Jiuß, ko heß rea manuh pe Sosoenën. 20Ea pëh se kiun ke raoe to kiun to soe vamaaka non raoe a ö se nat ne ënëën ne a ma taëën to hikta vih non, suk a ma tah nee to heßheß ne vamanih po heß manuh pa ma tah nößnës, pare vahik a taateß rëhrëh. Ee se nat ne ënëën ne a ma vönaß nee to takon me o eraß in a vönaß, 21suk o Vavaasis pe Mosës na to ëhëh tamoaan voh e no, ko pënton voh e no peß pa ma vöön kurus, me koman a ma iuun hinhin soneß po Poen Apaapo.”

Ee To Vanö O Kiun manuh Po Upöm Teß To Hikta Teß Ne Pan Ee Ro Jiuß To Vaman Ne

22Ivëh, ko aposol, me a nap susunön va po kum teß varih to vaman ne e Iessuß, me a ma meh napan va po vaman to vakum, pare vateß a ma teß se nö manuh vöön Antiök vaßpeh me e Pöl pen Banabas. Ee to vateß e Jiutas a meh ëhnaneah e Basabas, ka meh teß, a ëhnaneah e Saëlas. Ee a poa teß no a napan va po vaman to ta rakah ne sih. 23Ee to vanö raoe me o kiun to soe va non manih pan,

“Emöm, o aposol, me a nap susunön varih a kën kea peöm, to vanö nös a soe vavihvih pemöm manuh peöm, a ma teß varih to hikta teß nem pan eöm o Jiuß to tavus a ma teß va po vaman, ko teß nem vöön va Antiök, me a muhin va Siriaß me Silisiaß.

24Emöm to pënton nem, pan a ma teß va po vakum pemöm to nö nös pare heß a neöm a punis pa ma tah nee to soe köm tënan. Ivëhkëk, emöm varih to hikta soe vaonöt voh nös raoe pa nok a tah pamëh. 25Emöm to pënton a tah vaßih, pamöm vakum ko vaonöt a ö möm se kon ta poa teß, ko vanö vaßpeh me nös e Pöl pen Banabas pa ep peöm. 26Ee pon to hikta nanaöp ne a mët, suk a kiu vëh pa vatvus a Soe Vih pe Ieesuß Kristo, eß Apuh pea. 27Ivëh, kemöm vanö nös e Jiutas pen Saëlas, pan ee se soe koman ka neöm a ma tah nemöm to vahutët in ko kiun ka nös neöm. 28A Tuvuh Vasioß to teß vaßpeh me a no möm, ivëh, kemöm hikta se heß punis a nem neöm. A taateß varoe vëh nöm se vatet.

29Eöm se nat nem ënëën nem o vönaß varih nee to ip marën a heß vamanih po heß manih po tah nößnës, me a kaak o eraß, me a ëën o vönaß nee to takon. Paröm vahik a taateß rëhrëh. Ka pop peöm se teß vavih non pa ö nöm se vahik a ma taateß hat poë varih. Eß kuru vaßih to hik en. Vih rakah non.”

30A ma nap susunön va po rotuß to vanö ee pee manuh vöön Antiök, kee vos pare vakum me a napan va po vaman, ko heß ee pee po kiun. 31A napan to vaeö rakah pa ö nee to ëh o kiun me a ma soe va pa vaeh o vaman pee. 32E Jiutas pen Saëlas a poa teß vanënën soe, ivëh, kee teß e ne pa heß a ma soe marën a vaßaus me vaeh o vaman pa ma napan. 33Ee pon to teß varë me ee pa napan manih vöön Antiök, ka napan vanö ee pee me o kokoman tö manuh pa vöön pee. Ivëhkëk, e Saëlas to hikta nö, eß to teß e non manih vöön Antiök. 35E Pöl pen e Banabas to teß me e ne manih vöön Antiök to kiu vaßpeh me ne a ma napan pa heß a Soe Vih pe Ieesuß, me a vavaasis a ma napan.

E Pöl Pen E Banabas To Vaheheve Ko Vakëh

36A ma poen to oah ee ke Pöl soe ke Banabas pan, “Ea poß se nö hah manuh pa ma vöön kurus moaan voh na to heß a Soe Vih pe Ieesuß manih pa napan. Para ep pa ö no a napan to teß vah va ne manih po vaman pee.” 37E Banabas to iu non e Jon Mak nee se nö vaßpeh. 38Ivëhkëk, e Pöl to hikta koman non a me e Jon Mak, suk e Jon Mak to hahrom voh, ko hikta teß vaßpeh moaan me non raoe pa nok a kiu. Eß to këh hah voh raoe manih Pamfiliaß. 39E Pöl pen Banabas to vaato vaheve, suk ee pa ö pamëh ko vakëh poß ee pon. Ke Banabas nö vaßpeh me en pe Jon Mak to tok po paröß, pare nö ee pa To Saëprus. 40Ke Pöl kon en pe Saëlas, kee teß vaßpeh e ne pon. Ka napan va po vaman vanö raoe, pare soe pan, “O ururuan pe Sunön se teß vaßpeh me a no neöm pom.” 41E Pöl pen Saëlas to koe manuh pa ma pah vöön koman a muhin Siriaß me Silisiaß, ko vaeh hah nö ne o vaman pa ma napan va po vaman to teß ne pa ma vöön poë varih.